قالو صديقك عند ضيقك تلاقيه
انا اقول العكس هذي روايا
ولا اقول ( كل ) الناس حدن معانيه
اكبر و اسمى من قلوب الوطايا
هزيت عودن من زمان مخاويه
ياما طلبني مورقات العطايا
لي يطلبه كنت بعيوني ألبيه
بكل الظروف اوفيه و احمل وزايا
شديت به راسي صدوقن مصافيه
لا كنت اصدق فيه قول البرايا
مر الزمن والوقت طافت لياليه
و تبينت لي موحشات الظمايا
الصاحب اللي انتخي به طلع فيه
مرض يسمونه ... جنون الردايا؟
ضعيف نفس اقول ربي يعافيه
و عسى الزمن يسقيه مر الدوايا